Die toekoms van Afrikaanse kinders aan die Suidpunt van Afrika is ons erns! Solidariteit Helpende Hand sien daagliks hoe opleiding jongmense verskans teen swaarkry en bedien met opsies.
Om dié rede is die Skole-ondersteuningsentrum tot stand gebring om toe te sien dat Afrikaanse skole ondersteun word.
Helpende Hand hoor die SOS en die noodroep van oorlaaide onderwysers, hoofde en beheerliggaamlede wat minimale ondersteuning van die staat ontvang.
Die visie van die SOS is om elke skool in ons land waar onderrig in Afrikaans aangebied word, by te staan om in die toekoms steeds wêreldgehalte onderrig te bly bied.