In die hartjie van die Boland vind die immergewilde ATKV Solms-Delta Oesfees weer plaas op 25 Maart 2017. Talle bekendes gaan saam makietie hou!
Die ATKV-Oesfees is `n fees wat musiekliefhebber, Richard Astor, in April 2008 van stapel gestuur het om jaarliks die einde van `n oesjaar te vier. Die fees groei elke jaar net meer en meer. Die fees bied werkers en plaas-eienaars die kans om saam te skoffel en te baljaar op die maat van plattelandse musiek en heerlike Kaapse kosse te geniet. In samewerking met Solms-Delta en ATKV het die fees van krag tot krag gegroei.