Hoërskool Overberg

Doelstellings
By Hoërskool Overberg strewe ons daarna om:
- die leerders in totaliteit te begelei na liggaamlike, geestelike, intellektuele en sosiale volwassenheid.
- leerders se volle potensiaal op akademiese, fisieke en kulturele gebied te verwesenlik.
- Christelike en patriotiese norme en waardes by leerders te vestig.
- die leerders te lei om gesag te aanvaar, lojaliteit teenoor die skool en die gemeenskap te kweek, selfdissipline te ontwikkel en ’n gesonde groepgees te kweek.
- die individualiteit van elke leerder te erken en om elkeen te leer ken.
- altyd onberispelik te wees in gedrag en voorkoms.
- as personeel in die gemeenskap betrokke te wees om so ook die beeld van die skool uit te dra.
- kollegialiteit en lojaliteit te bevorder.
- te alle tye as personeel ’n professionele en navolgenswaardige voorbeeld uit te dra.
- ouerbetrokkenheid en welwillendheid aan te moedig.
- die behoeftes en wense van die gemeenskap te eerbiedig en te erken.
- skooltrots en ’n ryke tradisie uit te bou.
- ’n akademiese atmosfeer in die skool te skep sodat opvoeding en onderwys vir leerder en leerkrag, ’n sinvolle en aangename ervaring mag wees.