Hartland Stigting

Hartland Stigting is op 12 Mei 2014 te Orania opgerig met die doel om 'n lewensvatbare en volhoubare grondgebied vir die Afrikanervolk te help bewerkstellig met die oog op verwesenliking van selfbeskikking, onafhanklikheid en vryheid. HS spruit uit die Afrikaner Vryheidstigting (AVSTIG) wat in 1987 tot stand gekom het met as doel praktiese beslag aan die vryheidstrewe van die Afrikaner. AVSTIG is in 2000 omskep in die Orania Beweging, wat fokus op Orania as praktiese groeipunt vir uiteindelik 'n onafhanklike Afrikanersvolkstaat. HS neem egter die vryheidstrewe 'n stap verder en streef en werk vir 'n groter grondgebied vir die Volkstaat wat basies strek van Orania tot aan die Weskus. Vir die HS gaan dit oor die identifisering van 'n streek wat as Afrikanerstaat lewensvatbaar sou wees, daarin meer groeipunte te vestig en uiteindelik te beweeg na 'n situasie waardeur 'n politieke skikking met die Suid-Afrikaanse regering, die nuwe Afrikanerstaat tot stand kan kom. Dit is vanwaar die Hartland Stigting kom en waar dit tans staan.